Servizo municipal de conciliación
Unha Arzúa que coida e favorece o dereito a conciliar.
Arzúa+Concilia é o servizo municipal de conciliación do Concello de Arzúa, pensado para acompañar as familias durante os períodos non lectivos do curso escolar. Porque o dereito a conciliar é unha responsabilidade colectiva que require comprimiso, servizos e recursos públicos.
Agora mesmo non hai ningunha convocatoria en curso. Cando se publique a próxima, poderás consultala e solicitar praza desde aquí.
Como funciona
Solicitar praza en catro pasos
Escolle a convocatoria
Nadal, Entroido e Primavera teñen quenda única. No verán podes escoller unha ou varias quendas semanais.
Enche a solicitude
Datos da crianza, das persoas proxenitoras, horario e persoas autorizadas para a recollida.
Achega a documentación
Podes subir o DNI e os documentos que acrediten a túa situación familiar en PDF ou foto.
Garda o teu número
Recibirás un número de solicitude. As listaxes de admisión publícanse con ese número.
Quen pode participar
Un servizo para as familias de Arzúa
- Nenas e nenos escolarizados en Educación Infantil ou Primaria, cos anos de nacemento que indique cada convocatoria.
- Teñen prioridade as crianzas empadroadas en Arzúa e as familias con circunstancias especiais (monoparentais, numerosas, vítimas de violencia de xénero ou con cargas de coidados).
- Tamén se ten en conta que as persoas proxenitoras traballen durante o período solicitado.
- Hai bonificacións do 50 % para varias situacións familiares. Consulta as bases de cada convocatoria.
Tes dúbidas?
O persoal do Centro de Información ás Mulleres (CIM) axúdache a encher a solicitude ou a resolver calquera dúbida.